Guðmundur Ingi Þóroddsson
Ég býð mig fram í 3. sæti í prófkjöri Samfylkingarinnar í Reykjavík fyrir sveitarstjórnarkosningarnar 2026.
"Við eigum öll samleið"
Ég býð mig fram í 3. sæti í prófkjöri Samfylkingarinnar í Reykjavík fyrir sveitarstjórnarkosningarnar 2026.
"Við eigum öll samleið"
Guðmundur Ingi Þóroddsson
Frambjóðandi í 3. sæti
Guðmundur Ingi Þóroddsson, 51 árs, uppalinn í Árbæ og Breiðholti. Ég bý ásamt eiginmanni mínum, Titu Ciprian Balea, sem er upprunninn frá Rúmeníu. Við höfum verið saman í 18 ár og giftir í 13 ár. Titu hefur verið ómetanlegur stuðningur í lífi mínu, bæði í daglegu lífi og í baráttu minni fyrir réttindum þeirra sem standa höllum fæti í samfélaginu. Hann hefur einnig gert mig að betri manni með sinni styrku jarðtengingu og ég læri stöðugt af honum. Að helga lífi sínu fyrir baráttunni fyrir mannréttindum og réttlátu samfélagi er eitthvað sem hefur verið tekið mjög alvarlega á mínum bæ.
Undanfarin ár hef ég verið formaður Afstöðu-réttindafélags, félagasamtaka sem vinna að réttindum dómþola og þeirra sem glíma við jaðarsetningu í íslensku samfélagi. Hef staðið í fremstu víglínu fyrir skaðaminnkunarstefnu og öðrum mikilvægum málefnum sem varða félagslega velferð.
Í starfi mínu á Velferðarsviði Reykjavíkurborgar hef ég beitt mér fyrir málefnum heimilislausra og tryggt að þeir fái stuðning og þjónustu sem þeir eiga rétt á. Stoltur af því að hafa tekið þátt í fjölmörgum nefndum og ráðgjafahópum fyrir ríki og sveitarfélög. Sem formaður Afstöðu-réttindafélags hef ég skipulagt allt starf félagsins, aflað sjálfboðaliða og unnið náið með stjórnvöldum, fangelsisyfirvöldum og velferðarþjónustu til að bæta stöðu jaðarsettra hópa.
Sit í fagráði Rauða krossins um aðstoð eftir afplánun og hef starfað sem sjálfboðaliði fyrir Frú Ragnheiði og nýverið útnefndur Mental Health Ambassador -EU Promens í samstarfsverkefni Evrópusambandsins.
Er auk þess leiðbeinandi (faculty mentor) hjá Yale LET(s)Lead Academy, Lived Experience Transformational Leadership Academy, við Yale-háskóla. Sem leiðbeinandi styð ég og leiði tilvonandi leiðtoga á Íslandi. LET(s)Lead er hluti af Yale Program for Recovery and Community Health innan geðlækningadeildar Yale School of Medicine.
ÁHERSLUR
Þjónusta og aðgengi að menntun, samgöngum og menningu þarf að ná til allra borgarhluta. Engin hverfi skulu jaðarsett.
Einstaklingar sem þurfa að sækja um fjárhagsstuðning frá borginni eiga ekki að þurfa að vera kominn upp á maka til að sækja um slíkan styrk. Það getur þýtt að fólk og oftast konur séu fjárhagslega háð maka sínum og geti ekki verið sjálfstætt.
Börn sem alast upp í fátækt og eru send svöng í skólann eru líklegri til að misstíga sig síðar á lífsleiðinni. Við erum að tala um börn foreldra, sem er vinnandi fólk en getur ekki greitt reikninga á eindaga og hefur ekki efni á staðgóðri máltíð annan hvern dag. Margt af þessu fólki vinnur hjá borginni og við verðum að gera betur.
Reykjavík á að bjóða öllum sem vilja og geta vinnu við hæfi, líka fólki með geðvanda, vímuefnavanda eða sem hefur afplánað refsingu. Með stuðningi getum við lyft fólki upp og bætt samfélagið.
Mikilvægt er að reynsla í starfi verði viðurkennd meira í stöðuveitingum hjá borginni og metin á við menntun. Styðja þarf betur við raunfærnimat og nýta betur í borgarkerfinu.
Reykjavík er stærsta sveitarfélag landsins. Við verðum að nýta þá stöðu til að þrýsta á ríkisvaldið um réttlátan stuðning, t.d. í málefnum heimilislausra, sem nú eru alfarið á kostnað borgarinnar og við málaflokk fatlaðra sem er mikilvægur en vanfjármagnaður.
Við þurfum fagleg og mannúðarleg úrræði fyrir fólk með fjölþættan vanda. Ég legg áherslu á að lágþröskulda heilbrigðisúrræði og skaðaminnkun verði kerfisbundinn hluti af þjónustu borgarinnar. Málaflokkur heimilislausra verður að taka föstum tökum og bæta.
Reykjavíkurborg á að vera fyrirmynd við að taka á móti fólki eftir afplánun og finna húsnæðismálum, meðferðum, stuðningi og atvinnu farveg þannig að þeir einstaklingar fara af varanlegri framfærslu, hætti glæpum og byrji að greiða skatta til baka til samfélagsins. Þannig fækkum við þrotaþolum.
Borgin verður að styðja betur við ungmenni með fjölþættan vanda og aðstandendur þeirra með bæði andlegum og fjárhagslegum stuðningi. Það er staðreynd að við erum að missa börn og ungmenni í blóma lífsins. Það er auðvitað ekki bara borgin sem er ábyrg fyrir því en við getum svo sannarlega hjálpað. Þetta er forgangsverkefni að minni hálfu.
Styðja þarf betur við áfangaheimili í borginni og bjóða þeim sem slíkt reka að nýta autt húsnæði borgarinnar til að opna fleiri slík gegn skýrum reglum, skilyrðum og virku eftirliti sem í dag er ábótavant.
Ég vil Reykjavík þar sem öryggi, sýnileiki og aðgengi hinsegin fólks og aðstandenda þeirra er tryggt í verki. Málefnið er mér hugleikið enda tilheyri ég þeirri fjölskyldu og er þakklátur fyrir það og stoltur.
Félagasamtök halda samfélaginu uppi. Ég vil bæta samninga borgarinnar við þau, forgangsraða styrkjum til samtaka með raunverulega þörf og útiloka að háfjármagnaður félagsskapur fái fjárveitingar á kostnað grasrótarinnar.
Tryggja þarf tungumálaaðstoð, fræðslu og sanngjarna aðkomu innflytjenda að samfélaginu, ekki síst þeirra sem vilja mennta sig og leggja sitt af mörkum. Verandi giftur innflytjenda þekki ég vel fordóma og erfileika sem þessi hópur glímir við daglega.
Verkefni síðustu misseri
Vöxtur stuðningsmanna
Nýleg viðtöl og efni
Viðtal
Framboðsefni
Viðtal
Viðtal
Skoðun • Jafnréttismál
Ég verð hér
Ég hef alltaf trúað því að stjórnmál eigi að snúast um að bæta líf allra í samfélaginu, sérstaklega þeirra sem hafa ekki haft rödd í kerfinu. Það er ástæðan fyrir því að ég ákvað að bjóða mig fram á lista í prófkjör Samfylkingarinnar í Reykjavík fyrir komandi sveitastjórnarkosningar. Trúi því að Samfylkingin sé sá vettvangur sem getur skilað raunverulegum breytingum fyrir þá hópa sem ég hef barist fyrir, þá sem búa við jaðarsetningu, minnihlutahópa, láglaunafólk og alla sem standa höllum fæti í samfélaginu. Ég vil sjá samfélag þar sem allir njóta jafnra tækifæra, hafa þak yfir höfuðið og fá þá þjónustu sem þeir eiga rétt á, óháð bakgrunni eða aðstæðum. Með reynslu minni tel ég mig hafa innsýnina, leiðtogahæfnina og drifkraftinn til að vera tenging við þá hópa sem þurfa á breytingum að halda. Ég er staðráðinn í því að vinna að raunverulegum umbótum og skapa betra samfélag fyrir öll. Ég hlakka til að vinna með ykkur að þessari baráttu.
Samfylkingin er flokkur jafnaðarmanna sem setur velferð og jöfnuð í öndvegi. Ég deili þeirri sýn að sterkt velferðarkerfi og öflugir innviðir séu lykillinn að góðu samfélagi.
Úr starfi og leik
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
Samstarf og samvinna
frambod@gudmunduringi.is
789-0717
Guðrúnartúni 1 - 4. hæð
Með þvi að skrá þig sem meðlimur í "Rósin - Landsmálafélag" sem ég er í forsvari fyrir, getur þú stutt við bakið á mér í prófkjörinu.Láttu gott af þér leiða.
Rafrænskilríki til innskráningar
Veldu "RÓSIN - Landsmálafélag"
Skrá: nafn, kennitölu, netfang, heimilsfang og síma
Haka við samþykkt á reglum flokksins - SENDA
